தாராபுரம் இடைத் தேர்தலில் போட்டியிட்ட நாம் தமிழர் கட்சி வேட்பாளர் கைது

திருப்பூர் மாவட்டம் தாராபுரம் தொகுதியில் நடைபெற்ற இடைத்தேர்தலில், நாம் தமிழர் கட்சி சார்பாக போட்டியிட்ட வேட்பாளர் கார்த்திகா, கடந்த 4-ஆம் தேதி முதலமைச்சர் விஜய், சாலை வளம் செல்லும் பாதையை, மறித்து போராட்டத்தில் ஈடுபட்டதோடு, போலீசார் உடன் கடும் வாக்குவாதத்திலும் ஈடுபட்டார். இது குறித்து போலீசார் அப்போதே வழக்குப் பதிவு செய்தனர். இதேபோல், தாராபுரத்தில் சீமான் பரப்புரையில் ஈடுபட்டபோது, த.வெ.க தொண்டர் மீது தாக்குதல் நடத்தியதாக, கார்த்திகா மீது மற்றொரு வழக்கும் பதிவு செய்யப்பட்டது. இந்த வழக்குகள் அடிப்படையில், இன்றைய தினம் கார்த்திகா மற்றும் அவரது கணவர் உள்பட 6 பேர் கைது செய்யப்பட்டுள்ளனர். கார்த்திகா கோவையில் குடும்பத்தோடு வசிக்கும் நிலையில், அவரை தாராபுரம் போலீஸார், கைது செய்து விசாரணை மேற்கொண்டு வருகின்றனர்.