பெண் குழந்தைகளுக்கு முழு சுதந்திரம் வழங்க உறுதியேற்போம் - முதலமைச்சர் விஜய்

சர்வதேச பெண் குழந்தைகள் தினத்தை முன்னிட்டு பெண் குழந்தைகள் அனைவருக்கும் முதலமைச்சர் விஜய் வாழ்த்து தெரிவித்துள்ளார். பெண் குழந்தைகளின் உரிமைகளைப் பாதுகாத்து, அவர்களின் முன்னேற்றத்திற்கு அனைவரும் துணை நிற்க வேண்டும் என அவர் வலியுறுத்தியுள்ளார். இது குறித்து அவர் வெளியிட்டுள்ள வாழ்த்துச் செய்தியில், பெண் குழந்தைகளைக் கொண்டாடுவதுடன், அவர்களின் உரிமைகளை நிலைநாட்டும் நோக்கில் சர்வதேச பெண் குழந்தைகள் தினம் கடைப்பிடிக்கப்படுவதாகக் குறிப்பிட்டுள்ளார். இந்த நாளில் அனைத்துப் பெண் குழந்தைகளுக்கும் தனது அன்பான வாழ்த்துகளைத் தெரிவித்துக் கொள்வதாகக் கூறியுள்ளார். மேலும், பெண் குழந்தைகள் உலகின் அழகான கவிதைகள் என்றும், அவர்களின் மழலைச் சிரிப்பு குடும்பத்தின் மகிழ்ச்சியை அதிகரிப்பதாகவும் தெரிவித்துள்ளார். அவர்களின் துள்ளலும், மகிழ்ச்சியும் இயற்கையின் அழகை வெளிப்படுத்துவதாகக் குறிப்பிட்டுள்ளார். ஒரு பெண் குழந்தை பிறக்கும்போது, அன்பு, கருணை மற்றும் அளவற்ற ஆளுமையும் உடன் பிறப்பதாக அவர் தெரிவித்துள்ளார். பெண் குழந்தைகளுக்கு ஆரோக்கியமான வாழ்வு, தரமான கல்வி, பாதுகாப்பான சூழல், சம உரிமை மற்றும் முழுமையான சுதந்திரம் ஆகியவற்றை உறுதி செய்வது அனைவரின் கடமையும் பொறுப்புமாகும் என முதலமைச்சர் விஜய் வலியுறுத்தியுள்ளார்.