திருச்சி அருகே முன்விரோதத்தில் முதியவர் அடித்துக்கொலை – பெண் உள்பட மூவர் கைது

திருச்சி மாவட்டம் முக்கொம்பு அருகே கொடியாலம் வடக்கு புலிவலத்தைச் சேர்ந்தவர் நடராஜன். இவர் அருகிலுள்ள வயலில் நாற்று நடும் பணியில் ஈடுபட்டிருந்தார். அப்போது அங்கு வந்த அதே பகுதியைச் சேர்ந்த வீரமணி, மகாமணி மற்றும் சித்ரா ஆகியோர் அவரிடம் தகராறில் ஈடுபட்டுள்ளனர். அப்போது, தகராறு முற்றிய நிலையில், மகாமணி இரும்புக் கம்பியாலும், வீரமணி பாட்டிலாலும் நடராஜனை சரமாரியாகத் தாக்கியுள்ளனர். இதில் பலத்த காயமடைந்த அவரை அக்கம் பக்கத்தினர் மீட்டு திருச்சி அரசு மருத்துவமனையில் சேர்த்தனர். இது குறித்து நடராஜனின் மகன் காவல் நிலையத்தில் புகார் அளித்திருந்தார். அந்த புகாரின் பேரில், போலீசார் மூவரையும் கைது செய்தனர். இந்நிலையில், சிகிச்சை பலனின்றி நடராஜன் உயிரிழந்தார். இதையடுத்து, ஏற்கனவே பதிவு செய்யப்பட்டிருந்த வழக்கைக் கொலை வழக்காக மாற்றி, மூவர் மீதும் போலீசார் நடவடிக்கை மேற்கொண்டுள்ளனர்.