குழந்தைகள் தினத்தை முன்னிட்டு அரசுப் பள்ளி மாணவர்களுக்கு வாழ்த்து அட்டையுடன் கேக் வழங்கிய முதலமைச்சர் விஜய்

குழந்தைகள் தினத்தை முன்னிட்டு சென்னை கொளத்தூர் தொகுதிக்குட்பட்ட அரசுப் பள்ளியில் நடைபெற்ற நிகழ்ச்சியில் முதலமைச்சர் விஜய் கலந்து கொண்டார். அப்போது பள்ளி மாணவ, மாணவிகளுக்கு குழந்தைகள் தின வாழ்த்து அட்டையுடன் கேக் வழங்கி வாழ்த்துத் தெரிவித்தார். தமிழ்நாடு முழுவதும் உள்ள அரசு மற்றும் அரசு உதவி பெறும் பள்ளிகளில் பயிலும் 62 லட்சம் மாணவர்களுக்கு குழந்தைகள் தினத்தை முன்னிட்டு கேக் வழங்க ஏற்பாடு செய்யப்பட்டுள்ளது. இதையடுத்து, ஒவ்வொரு மாணவருக்கும் 45 கிராம் எடையுள்ள கேக் வழங்கப்பட உள்ளது.மேலும், முதலமைச்சர் விஜய்யின் புகைப்படத்துடன் கூடிய வாழ்த்து அட்டைகளும் மாணவர்களுக்கு வழங்கப்படுகின்றன. அந்த வாழ்த்து அட்டையும் வழங்கப்பட்டது. இதன் ஒரு பகுதியாக கொளத்தூர் பள்ளியில் மாணவர்களுக்கு கேக் வழங்கிய முதலமைச்சர் விஜய், அவர்களுடன் கலந்துரையாடி மகிழ்ச்சியைப் பகிர்ந்து கொண்டார். முதலமைச்சர் நேரில் வந்து வாழ்த்து தெரிவித்தது மாணவர்களிடையே உற்சாகத்தை ஏற்படுத்தியது.