இமானுவேல் சேகரனார் பிறந்தநாள் - சமத்துவம், சகோதரத்துவம் தழைத்தோங்க முதலமைச்சர் விஜய் உறுதி

இமானுவேல் சேகரனாரின் பிறந்தநாளை முன்னிட்டு, சமத்துவமும் சகோதரத்துவமும் எங்கும் தழைத்தோங்க உறுதியேற்போம் என முதலமைச்சர் விஜய் தெரிவித்துள்ளார்.இது குறித்து அவர் வெளியிட்டுள்ள அறிக்கையில், சமூக நீதிக்காகவும், அடித்தட்டு மக்களின் வாழ்வியல் முன்னேற்றத்திற்காகவும் தனது வாழ்நாள் முழுவதும் பாடுபட்ட இமானுவேல் சேகரனாருக்கு வீர வணக்கம் செலுத்துவதாகக் குறிப்பிட்டுள்ளார்.மேலும், சமத்துவம், சுயமரியாதை மற்றும் விளிம்புநிலை மக்களின் உரிமைகளுக்காக அவர் நடத்திய போராட்டங்களும், அவரது தியாக வரலாறும் என்றும் போற்றத்தக்கவை எனத் தெரிவித்துள்ளார். இமானுவேல் சேகரனார் காட்டிய வழியில், ஏற்றத்தாழ்வற்ற சமுதாயத்தை உருவாக்க அனைவரும் உறுதியேற்க வேண்டும் என்றும் முதலமைச்சர் விஜய் வலியுறுத்தியுள்ளார். இதற்கிடையே, திமுக தலைவர் மு.க. ஸ்டாலினும் இமானுவேல் சேகரனாரின் பிறந்தநாளை முன்னிட்டு மரியாதை செலுத்தியுள்ளார். சாதி ஒழிப்புக்கும், சமூக சமத்துவத்திற்கும் அவர் ஆற்றிய பங்களிப்பை நினைவுகூர்ந்த ஸ்டாலின், இமானுவேல் சேகரனாரின் நினைவைப் போற்றும் வகையில் மணிமண்டபம் அமைக்கப்பட்டுள்ளதாகவும் தெரிவித்துள்ளார். மேலும், சாதிய ஒடுக்குமுறைக்கு எதிராகப் போராடிய அவரது வழியில் அனைவரும் ஒன்றிணைந்து சமத்துவத்தை நிலைநாட்ட உழைக்க வேண்டும் என்றும் அவர் குறிப்பிட்டுள்ளார்.