புவனகிரி அருகே லாரி கவிழ்ந்து விபத்து

கடலூர் மாவட்டம், புவனகிரி அருகே சாலையில் வண்டல் மண் சிதறிக் கிடப்பதால், சாலை சேறும் சகதியுமாக மாறியுள்ளது. இதனால் அந்த வழியாகச் செல்லும் வாகன ஓட்டிகள் கடும் சிரமத்திற்கு உள்ளாகி வருகின்றனர். இந்நிலையில், சாலையில் சென்ற லாரி ஒன்று கவிழ்ந்து விபத்துக்குள்ளானது. இந்தச் சாலையில் தொடர்ந்து வண்டல் மண் சிதறுவதால், குறிப்பாக இருசக்கர வாகன ஓட்டிகள் பெரும் சிரமத்தைச் சந்தித்து வருகின்றனர். சாலையில் மண் படர்ந்திருப்பதால் வாகனங்கள் வழுக்கி நிலைதடுமாறும் அபாயம் ஏற்பட்டுள்ளது. இதனால் வாகன ஓட்டிகள் அச்சத்துடன் பயணம் செய்யும் நிலை நிலவுகிறது. லாரி கவிழ்ந்த விபத்தைத் தொடர்ந்து, சாலையில் பரவிக் கிடக்கும் வண்டல் மண்ணை உடனடியாக அகற்ற வேண்டும் என வாகன ஓட்டிகள் கோரிக்கை விடுத்துள்ளனர். மேலும், தொடர்ந்து மண் சிதறுவதற்கான காரணத்தைக் கண்டறிந்து, சாலையைச் சீரமைக்கவும், இதுபோன்ற விபத்துகள் மீண்டும் நிகழாமல் தடுக்கவும் சம்பந்தப்பட்ட அதிகாரிகள் நடவடிக்கை எடுக்க வேண்டும் எனப் பொதுமக்கள் கோரிக்கை வைத்துள்ளனர்.