சென்னையில் 1,000 ஏ.சி. மின்சாரப் பேருந்துகள் கொள்முதல் டெண்டர் ரத்து

சென்னையில் 1,000 குளிர்சாதன வசதி கொண்ட மின்சாரப் பேருந்துகளை வாங்குவதற்காக விடப்பட்ட டெண்டர் ரத்து செய்யப்பட்டுள்ளது. இதையடுத்து, பேருந்துகளை வாங்கி இயக்கும் திட்டத்தில் மாற்றம் கொண்டுவரப்பட உள்ளதாகத் தகவல் வெளியாகியுள்ளது. சென்னை மாநகரப் போக்குவரத்துக் கழகத்தின் பொதுப் போக்குவரத்து சேவையை மேம்படுத்தும் நோக்கில், ஏ.சி. வசதியுடன் கூடிய மின்சாரப் பேருந்துகளை அறிமுகப்படுத்த திட்டமிடப்பட்டது. இதன் மூலம் சுற்றுச்சூழல் மாசுபாட்டைக் குறைப்பதுடன், பயணிகளுக்கு வசதியான போக்குவரத்து சேவையை வழங்கவும் எதிர்பார்க்கப்பட்டது. தற்போது, பேருந்துகளை அரசே நேரடியாகக் கொள்முதல் செய்வதற்குப் பதிலாக, தனியார் நிறுவனங்களே மின்சாரப் பேருந்துகளை வாங்கி இயக்கும் வகையில் ஒப்பந்த முறையை மாற்றுவது குறித்து நடவடிக்கை எடுக்கப்படுவதாகக் கூறப்படுகிறது. இந்த மாற்றம் நடைமுறைக்கு வந்தால், பேருந்துகளின் கொள்முதல் மற்றும் இயக்கப் பொறுப்புகள் தனியார் நிறுவனங்களிடம் ஒப்படைக்கப்படலாம். தனியார் நிறுவனங்களே பேருந்துகளை வாங்கி இயக்க ஒப்பந்தத்தை மாற்றவும் அரசுக்கு கி.மீட்டருக்கு நிலையான கட்டணம் வழங்கும் வகையில் ஒப்பந்தத்தை மாற்ற முடிவு செய்யப்பட்டுள்ளது.