நாமக்கல் முட்டை கொள்முதல் விலை மேலும் 10 காசுகள் உயர்வு

தமிழகத்தில் முட்டை உற்பத்தியில் முக்கியப் பங்கு வகிக்கும் நாமக்கல் மாவட்டத்தில், முட்டை கொள்முதல் விலை தொடர்ந்து உயர்ந்து வருகிறது. அந்த வகையில், முட்டை கொள்முதல் விலை மேலும் 10 காசுகள் உயர்த்தப்பட்டு, ஒரு முட்டையின் விலை ரூ.6.20 ஆக நிர்ணயம் செய்யப்பட்டுள்ளது. நாமக்கல் மாவட்டத்தில் 1,100-க்கும் மேற்பட்ட கோழிப்பண்ணைகள் செயல்பட்டு வருகின்றன. இவற்றில் 4 கோடி முட்டையிடும் கோழிகள் வளர்க்கப்படுகின்றன. இதன் மூலம் நாள்தோறும் 3 கோடி முட்டைகள் உற்பத்தி செய்யப்படுகின்றன. இதையடுத்து, நாமக்கல்லில் நடைபெற்ற தேசிய முட்டை ஒருங்கிணைப்புக் குழுக் கூட்டத்தில் முட்டை கொள்முதல் விலையை உயர்த்துவது குறித்து ஆலோசிக்கப்பட்டது. ஏற்கனவே ஒரு முட்டையின் கொள்முதல் விலை ரூ.6.10 ஆக இருந்த நிலையில், மேலும் 10 காசுகள் உயர்த்தி ரூ.6.20 ஆக நிர்ணயிக்க முடிவு செய்யப்பட்டது. இந்நிலையில், கடந்த 3 நாட்களில் மட்டும் முட்டை கொள்முதல் விலை 50 காசுகள் உயர்ந்துள்ளது. முன்னதாக ரூ.6 ஆக இருந்த முட்டை விலை, பின்னர் சரிவைச் சந்தித்த நிலையில் தற்போது மீண்டும் ரூ.6-ஐ தாண்டி உயர்ந்துள்ளது. இந்த விலை உயர்வு கோழிப்பண்ணையாளர்கள் மத்தியில் மகிழ்ச்சியை ஏற்படுத்தியுள்ளது.