முரசு புயல் எதிரொலி - மாமல்லபுரத்தில் கடல் சீற்றம்

 வங்கக்கடலில் நிலவி வரும் ஆழ்ந்த காற்றழுத்த தாழ்வு மண்டலம் வலுப்பெற்று முரசு புயலாக உருவாக உள்ளது. இந்தப் புயல் மேற்கு- வடமேற்கு திசையில் நகர்ந்து ஆந்திர கடலோரப் பகுதியை நோக்கிச் செல்லும் என வானிலை ஆய்வு மையம் தெரிவித்துள்ளது. இதன் காரணமாக தமிழகத்தின் வட கடலோர மாவட்டங்களில் பலத்த காற்றுடன் கன மழை பெய்ய வாய்ப்புள்ளதாக வானிலை மையம் எச்சரிக்கை விடுக்கப்பட்டுள்ளது. இந்நிலையில், மாமல்லபுரம் கடற்கரை பகுதியில் கடல் அலைகள் வழக்கத்தை விட அதிக உயரத்துடன் சீற்றத்துடன் காணப்படுகின்றன. இதனால் கடற்கரைக்கு வரும் சுற்றுலாப் பயணிகள் மற்றும் பொதுமக்கள் கடலில் இறங்குவதைத் தவிர்க்குமாறு அறிவுறுத்தப்படுகின்றனர். மேலும், கடலோரப் பகுதிகளில் வசிக்கும் மீனவர்கள் எச்சரிக்கையுடன் இருக்குமாறும், வானிலை ஆய்வு மையத்தின் அறிவுறுத்தல்களைப் பின்பற்றுமாறும் அரசு சார்பில் மீனவர்களுக்கு தெரிவிக்கப்பட்டுள்ளது.