எல்லா திசைகளிலும் குற்ற சம்பவங்கள் கொடிகட்டிப் பறக்கின்றன - ஸ்டாலின் குற்றச்சாட்டு

தமிழ்நாட்டின் பல்வேறு பகுதிகளில் தொடர்ந்து நடைபெறும் குற்றச் சம்பவங்களை சுட்டிக்காட்டி, திமுக தலைவர் ஸ்டாலின் அரசை விமர்சித்துள்ளார். இதையடுத்து, 24 மணி நேரத்தில் சென்னை, திருத்தணி, சேலம், திண்டுக்கல், மதுரை உள்ளிட்ட பகுதிகளில் நடைபெற்றதாக கூறப்படும் கொலை மற்றும் தாக்குதல் சம்பவங்களை தனது அறிக்கையில் ஸ்டாலின் குறிப்பிட்டுள்ளார். சென்னை மயிலாப்பூரில் இளைஞர் கொலை, திருத்தணியில் புகார் அளித்த தந்தை கொலை, சேலத்தில் மூதாட்டி கொலை உள்ளிட்ட சம்பவங்களை சுட்டிக்காட்டிய அவர், தமிழகத்தின் பல்வேறு திசைகளிலும் குற்றச் சம்பவங்கள் அதிகரித்து வருவதாக குற்றம் சாட்டியுள்ளார்.மேலும், போலீசாரின் ரோந்துப் பணி மற்றும் குற்றவாளிகளின் கண்காணிப்பு குறித்து கேள்வி எழுப்பிய ஸ்டாலின், பொதுமக்களின் பாதுகாப்பை உறுதி செய்ய தமிழக அரசு உரிய நடவடிக்கை எடுக்க வேண்டும் என வலியுறுத்தியுள்ளார். இதை தொடர்ந்து, சட்டம் ஒழுங்கு தொடர்பாக சாக்குப்போக்கு கூறுவதை விட, நிலைமையின் தீவிரத்தை உணர்ந்து நடவடிக்கை எடுக்க வேண்டிய நேரம் இது என்றும் அவர் தனது அறிக்கையில் தெரிவித்துள்ளார். இதையடுத்து, முதலமைச்சரும் காவல்துறைக்கு பொறுப்பு வகிக்கும் அரசும், மக்களின் உயிர் மற்றும் பாதுகாப்புக்கு முன்னுரிமை அளிக்க வேண்டும் என ஸ்டாலின் வலியுறுத்தியுள்ளார்.