இராசிபுரத்தில் நடுரோட்டில் போதை ஆசாமி – வாகன ஓட்டிகள் அவதி

நாமக்கல் மாவட்டம் இராசிபுரம் புதிய பேருந்து நிலையம் அருகே வேல்முருகன் ஹோட்டல் செயல்பட்டு வருகிறது. இந்த ஹோட்டல் அருகே செல்லும் சாலையின் நடுவே 60 வயது முதியவர் ஒருவர், அளவுக்கு அதிகமான மது போதையில் நிலைதடுமாறி சாலையில் விழுந்து கிடந்துள்ளார். ஒரு மணி நேரத்திற்கும் மேலாக சாலையின் நடுவிலேயே அவர் படுத்திருந்ததால், அவ்வழியாகச் சென்ற இருசக்கர மற்றும் நான்கு சக்கர வாகன ஓட்டிகள் கடும் சிரமத்திற்கு ஆளாகினர். சாலையில் படுத்திருந்த நபரைச் சுற்றி வாகனங்கள் ஆபத்தான முறையில் கடந்து சென்றன.இந்நிலையில், அவரை பாதுகாப்பான இடத்திற்கு அழைத்துச் செல்லவோ, உதவி செய்யவோ யாரும் முன்வராமல் கண்டும் காணாமல் சென்றது அதிர்ச்சியை ஏற்படுத்தியுள்ளது. இதை தொடர்ந்து, சாலையில் உயிருக்கு ஆபத்தான நிலையில் கிடந்த நபருக்கு உரிய உதவி கிடைக்காதது சமூக அக்கறை குறித்த கேள்வியையும் எழுப்பியுள்ளது