திருவான்மியூர் டைடல் பார்க் அருகே ஓஎம்ஆர் சாலையில் ஏற்பட்ட திடீர் பள்ளம் - தலைகுப்புற கவிழ்ந்த கார்

சென்னை திருவான்மியூர் டைடல் பார்க் அருகே ஓஎம்ஆர் சாலையில் கார் ஒன்று சென்று கொண்டிருந்தது. அப்போது, சாலையில் திடீரென ஏற்பட்ட பள்ளத்தில் எதிர்பாராதவிதமாக கார் சிக்கி தலைகுப்புற கவிழ்ந்தது. அப்பகுதியில் மெட்ரோ இரயில் பணிகள் நடைபெற்று வரும் சாலையில் இந்த பள்ளம் ஏற்பட்டதாக தெரிவிக்கப்பட்டுள்ளது. இந்த விபத்தில் கார் தலைகுப்புற கவிழ்ந்ததால் அப்பகுதியில் பரபரப்பு ஏற்பட்டது. இதையடுத்து, காரை ஓட்டிச் சென்ற ஓட்டுநர் அதிர்ஷ்டவசமாக உயிர் தப்பினார். அவருக்கு லேசான காயம் ஏற்பட்டதாக தகவல் வெளியாகியுள்ளது. மெட்ரோ இரயில் பணிகள் நடைபெறும் பகுதியில் சாலையின் நிலை குறித்து ஏற்கனவே வாகன ஓட்டிகள் கவனம் செலுத்த வேண்டிய சூழல் உள்ள நிலையில், திடீரென ஏற்பட்ட பள்ளத்தில் கார் கவிழ்ந்த சம்பவம் வாகன ஓட்டிகளிடையே பெரும் அதிர்ச்சியை ஏற்படுத்தியுள்ளது.