திண்டுக்கல் மாவட்டம் ஒட்டன்சத்திரம் அருகே உள்ள புலியூர்நத்தம் கிராமத்தில், பொதுமக்களின் குடிநீர் தேவைக்காகப் பயன்படுத்தப்பட்டு வந்த மேல்நிலை நீர்த்தேக்கத் தொட்டி கனமழையால் இடிந்து தரைமட்டமானது.இந்நிலையில், சில நாட்களாக அப்பகுதியில் தொடர்ந்து கனமழை பெய்து வந்தது. ஏற்கனவே பழுதடைந்து பலவீனமான நிலையில் இருந்த இந்தத் தொட்டி, மழையின் தாக்கத்தால் சனிக்கிழமை பிற்பகலில் திடீரென முழுமையாக இடிந்து விழுந்தது. இதையடுத்து, தொட்டி இடிந்து விழுந்தபோது, அதிர்ஷ்டவசமாக அருகில் பொதுமக்கள் யாரும் இல்லாததால் உயிர்ச்சேதம் ஏற்படவில்லை. இதனால் பெரும் விபத்து தவிர்க்கப்பட்டது. உயரமான நீர்த்தேக்கத் தொட்டி சில நொடிகளிலேயே சரிந்து விழுந்த காட்சி, அங்கிருந்த சிசிடிவி கேமராவில் பதிவாகியுள்ளது. இந்தக் காட்சிகள் சமூக வலைதளங்களில் பரவி வருகின்றன. இந்தச் சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது. மேலும், கிராம மக்களின் குடிநீர் தேவையைப் பூர்த்தி செய்யும் வகையில், சம்பந்தப்பட்ட அதிகாரிகள் உடனடியாக நடவடிக்கை எடுத்து புதிய மேல்நிலை நீர்த்தேக்கத் தொட்டியை அமைத்துத் தர வேண்டும் எனப் பொதுமக்கள் கோரிக்கை விடுத்துள்ளனர்.
திண்டுக்கல்லில் கனமழையால் தண்ணீர் தொட்டி இடிந்து தரைமட்டம்
திண்டுக்கல் மாவட்டம் ஒட்டன்சத்திரம் அருகே பழுதடைந்த நிலையில் இருந்த மேல்நிலை நீர்த்தேக்கத் தொட்டி, பெய்த கனமழையின் காரணமாக இடிந்து தரைமட்டமானது.
ஒட்டன்சத்திரம் அருகே உள்ள புலியூர்நத்தம் கிராமத்தில், பொதுமக்களின் குடிநீர் தேவைக்காகப் பயன்படுத்தப்பட்டு வந்த மேல்நிலை நீர்த்தேக்கத் தொட்டி கனமழையால் இடிந்து தரைமட்டமானது.
Team - Editorial
பழைய செய்தி1 நிமிட வாசிப்பு
வெளியீடு:
தொடர்புடைய குறிச்சொற்கள்
எழுத்தின் அளவு
எழுத்து அளவு 18 பிக்சல்
Found an error in this article? Submit a correction request. Verified changes are recorded transparently.
