கஞ்சா போதையில் இளைஞர் காவல் உதவி ஆய்வாளர் மீது அரிவாளால் தாக்க முயற்சி

சென்னை செங்குன்றம் பேருந்து நிலையம் அருகே தினேஷ் என்ற இளைஞர் கஞ்சா போதையில் பொதுமக்களிடம் தகராறில் ஈடுபட்டிருந்தார். இது குறித்து தகவல் அறிந்த போலீசார் சம்பவ இடத்திற்கு விரைந்து சென்றனர். அப்போது தகராறில் ஈடுபட்ட இளைஞரை பிடிக்க காவல் உதவி ஆய்வாளர் முயன்றுள்ளார். இதனால் கோபமடைந்த தினேஷ், திடீரென தான் வைத்திருந்த அரிவாளால் உதவி ஆய்வாளரை வெட்ட முயன்றுள்ளார். இதனை எதிர்பாராத உதவி ஆய்வாளர் உடனடியாக சுதாரித்துக் கொண்டு, தனது இடுப்பு பெல்ட்டை கழற்றி தற்காத்துக் கொண்டார். இதனால் அவர் தாக்குதலில் இருந்து உயிர் தப்பினார். பொதுமக்கள் அதிகம் கூடும் பேருந்து நிலையம் அருகே காவல் அதிகாரி மீது இளைஞர் தாக்குதல் நடத்த முயன்ற சம்பவம் பரபரப்பை ஏற்படுத்தியுள்ளது. மேலும், இந்த சம்பவம் தொடர்பான வீடியோ இணையத்தில் வேகமாக பரவி வருகிறது. மேலும், இச்சம்பவம் காவல்துறையினர் மத்தியில் அதிர்ச்சியை ஏற்படுத்தியுள்ளது.