மாணவியை மிரட்டி இருசக்கர வாகனத்தில் அழைத்து சென்ற ஆசிரியர் போக்சோவில் கைது

தென்காசி மாவட்டம் புளியங்குடியில் உள்ள அரசு உதவி பெறும் பள்ளியில் தற்காலிக உதவி உடற்கல்வி ஆசிரியராகப் பணியாற்றி வந்தவர் இசை டிராவிட் . இவர் அதே பள்ளியில் படிக்கும் மாணவி ஒருவரை அடிக்கடி மிரட்டி, தனது இருசக்கர வாகனத்தில் அழைத்துச் சென்றதாகக் கூறப்படுகிறது. இது குறித்து மாவட்ட குழந்தைகள் பாதுகாப்புப் பிரிவில் புகார் அளிக்கப்பட்டது. இதையடுத்து, கடந்த அக்டோபர் 9ஆம் தேதி புளியங்குடி அனைத்து மகளிர் போலீசார் ஆசிரியர் மீது போக்சோ சட்டத்தின் கீழ் வழக்குப்பதிவு செய்தனர். இதை தொடர்ந்து அவரைத் தேடி வந்த நிலையில், போலீசாரிடம் சிக்காமல் 20 நாட்களுக்கும் மேலாக தலைமறைவாக இருந்தார்.இந்நிலையில், மயிலாடுதுறையில் பதுங்கியிருந்த இசை டிராவிட்டை போலீசார் கைது செய்தனர். பின்னர் அவரை நீதிமன்றத்தில் ஆஜர்படுத்தி சிறையில் அடைத்தனர். மேலும், இச்சம்பவம் அப்பகுதியில் பரபரப்பை ஏற்படுத்தியுள்ளது.