திண்டுக்கல்லில் சாலையை கடக்க முயன்ற முதியவர் மீது வேன் மோதியதில் முதியவர் உயிரிழப்பு

திண்டுக்கல் மாவட்டம் நத்தம் செல்லும் சாலையில் ஒத்தக்கடை அருகே ராஜக்காபட்டி பகுதியைச் சேர்ந்த பெருமாள் என்ற முதியவர் சாலையை கடக்க முயன்றபோது அவ்வழியாக வந்த தனியார் வேன் அவர் மீது மோதி விபத்து ஏற்பட்டுள்ளது. இந்த விபத்தில் பலத்த காயமடைந்த முதியவர் சாலையில் மயங்கி விழுந்தார். இந்த தகவலறிந்து சம்பவ இடத்திற்கு வந்த போலீசார் முதற்கட்ட விசாரணை மேற்கொண்டனர். அந்த விசாரணையில், விபத்தில் சிக்கியவர் ஒத்தக்கடை பகுதியைச் சேர்ந்த பெருமாள் என்பது தெரியவந்தது. இதையடுத்து, பலத்த காயமடைந்த அவரை மீட்டு, சிகிச்சைக்காக அரசு மருத்துவமனைக்கு அனுப்பி வைத்தனர். பின்னர், அவரை மீட்டு அரசு மருத்துவமனைக்கு சிகிச்சைக்காக அனுப்பி வைத்தனர். அங்கு சிகிச்சை பெற்று வந்த அவர், சிகிச்சை பலனின்றி உயிரிழந்தார். இந்த விபத்து தொடர்பான சிசிடிவி காட்சிகள் தற்போது சமூக வலைதளங்களில் பரவி வருகின்றன. மேலும், இந்த விபத்து குறித்து போலீசார் தொடர்ந்து விசாரணை நடத்தி வருகின்றனர்.