புதுடெல்லி விமான நிலையத்தில் ரூ.150 கோடி மதிப்புள்ள போதைப்பொருள் பறிமுதல்

புதுடெல்லி இந்திரா காந்தி சர்வதேச விமான நிலையத்தில், பாங்காக்கில் இருந்து கடத்தி வரப்பட்டதாகச் சந்தேகப்படும் ஹைட்ரோபோனிக் கஞ்சாவை சுங்கத்துறை அதிகாரிகள் பறிமுதல் செய்தனர். சரக்குப் பெட்டிகளில் மறைத்து வைக்கப்பட்டிருந்த 148.67 கிலோ போதைப்பொருள் கண்டுபிடிக்கப்பட்டது. இதன் இந்தியச் சந்தை மதிப்பு ரூ.150 கோடி எனக் கணக்கிடப்பட்டுள்ளது. இந்தக் கடத்தல் முயற்சி குறித்து ரகசியத் தகவலின் அடிப்படையில் அதிகாரிகள் சோதனை மேற்கொண்டனர். தொடர்ந்து, போதைப்பொருளைக் கடத்த பயன்படுத்தப்பட்ட பொருட்களும் பறிமுதல் செய்யப்பட்டன. மேலும், இச்சம்பவம் தொடர்பாக ஒருவரை அதிகாரிகள் கைது செய்தனர். பின்னர், கைது செய்யப்பட்டவர்களிடமிருந்து, அதிகாரிகள், போதைப்பொருள் எங்கிருந்து கொண்டுவரப்பட்டது, யாருக்கு அனுப்பப்பட இருந்தது என்பது குறித்து விசாரணை நடத்தி வருகின்றனர். இதை தொடர்ந்து, சர்வதேச போதைப்பொருள் கடத்தல் தொடர்புகள் குறித்தும் அதிகாரிகள் தொடர்ந்து விசாரணை நடத்தி வருகின்றனர்.