நாகர்கோவில் வியாபாரி வீட்டில் 22 பவுன் நகைகள், ரூ.12 லட்சம் கொள்ளை

கன்னியாகுமரி மாவட்டம் நாகர்கோவில் கோட்டார் சிதம்பரம் நகர் பகுதியைச் சேர்ந்தவர் தினேஷ் . இவர் அப்பகுதியில் மளிகைக் கடை நடத்தி வருகிறார். இவரது மனைவி கலா. இவர்களுக்கு இரண்டு மகன்கள் உள்ளனர். இதையடுத்து, தினேஷ் வழக்கம் போல் காலையில் கடைக்குச் சென்றுள்ளார். அவரது மனைவியும் குழந்தைகளுடன் வெளியே சென்றுள்ளார். இதனை நோட்டமிட்ட மர்ம நபர்கள், வீட்டில் யாரும் இல்லாத நேரத்தில் பின்பக்க கதவு வழியாக உள்ளே புகுந்துள்ளனர்.பின்னர் வீட்டிலிருந்த பீரோவை திறந்து அதில் வைக்கப்பட்டிருந்த 22 பவுன் தங்க நகைகள் மற்றும் ரூ.12 லட்சம் பணத்தை கொள்ளையடித்துச் சென்றுள்ளனர்.மதியம் வீட்டிற்கு வந்த தினேஷ், பின்பக்க கதவு திறந்திருப்பதையும் பொருட்கள் சிதறிக் கிடப்பதையும் கண்டு அதிர்ச்சியடைந்தார். இது குறித்து கோட்டார் போலீசாருக்கு தகவல் தெரிவித்தார். அந்த தகவலின் பேரில் சம்பவ இடத்திற்கு வந்த போலீசார் வழக்குப்பதிவு செய்து விசாரணை நடத்தினர். மேலும், அப்பகுதியிலுள்ள சி.சி.டி.வி. கேமரா பதிவுகளை ஆய்வு செய்து வருகின்றனர். கைரேகை நிபுணர்களும் தடயங்களைச் சேகரித்துள்ளனர். பட்டப்பகலில் நடந்த இந்த கொள்ளை சம்பவம் அப்பகுதியில் பரபரப்பை ஏற்படுத்தியுள்ளது.