திருச்செந்தூர் கோவிலுக்குள் மழைநீர் தேக்கம் - பக்தர்கள் அவதி

தூத்துக்குடி மாவட்டம் திருச்செந்தூர் மற்றும் அதன் சுற்றுவட்டாரப் பகுதிகளில் பெய்த மழையால், திருச்செந்தூர் சுப்பிரமணிய சுவாமி கோவில் வளாகத்தின் சில பகுதிகளில் மழைநீர் தேங்கியுள்ளது. இதனால், கோவிலுக்கு சுவாமி தரிசனம் செய்ய வந்த பக்தர்கள் தண்ணீரைக் கடந்து செல்ல வேண்டிய நிலை ஏற்பட்டது. இந்நிலையில், குடும்பத்துடன் வந்த பக்தர்கள், முதியவர்கள் மற்றும் குழந்தைகள் மழைநீரில் நடந்து செல்வதில் சிரமம் ஏற்பட்டுள்ளது. இதையடுத்து, திருச்செந்தூர் கோவிலுக்கு தினமும் ஏராளமான பக்தர்கள் வந்து செல்லும் நிலையில், மழைக்காலங்களில் இது போன்ற பாதிப்புகள் ஏற்படாமல் இருக்க உரிய நடவடிக்கைகள் எடுக்க வேண்டும் எனக் கோரிக்கை எழுந்துள்ளது. மேலும், கோவில் வளாகத்தில் தேங்கும் மழைநீரை விரைவாக வெளியேற்றி விட்டு, பக்தர்களின் பாதுகாப்பையும் வசதியையும் கருத்தில் கொண்டு, மழைநீர் தேங்கும் பகுதிகளில் உடனடி நடவடிக்கை எடுக்க வேண்டும் என பக்தர்கள் கோரிக்கை வைத்துள்ளனர்.