ஆம்னி பேருந்து மோதி காலி மதுபாட்டில் லாரி கவிழ்ந்து விபத்து – 3 பேர் காயம்

ஆம்னி பேருந்து மோதி காலி மதுபாட்டில் லாரி கவிழ்ந்து விபத்து – 3 பே
 கர்நாடக மாநிலம் பெங்களூருவில் இருந்து 20 பயணிகளுடன் சென்னை நோக்கி ஆம்னி பேருந்து ஒன்று நேற்று இரவு புறப்பட்டது. இன்று அதிகாலை வேலூர் அலமேலுமங்காபுரம் தேசிய நெடுஞ்சாலை மேம்பாலத்தில் வந்தபோது, முன்னால் சென்ற காலி மதுபாட்டில்கள் ஏற்றிய லாரி மீது ஆம்னி பேருந்து வேகமாக மோதியது.இதில் கட்டுப்பாட்டை இழந்த லாரி சாலையில் கவிழ்ந்தது. பின்னர், லாரியில் இருந்த காலி மதுபாட்டில்கள் உடைந்து சாலையில் சிதறின. ஆம்னி பேருந்தும் சாலை தடுப்புகளை உடைத்துக் கொண்டு எதிர்திசையில் சென்று நின்றது. இந்த தகவலறிந்து வந்த போலீசார் மற்றும் தேசிய நெடுஞ்சாலைத் துறையினர் மீட்புப் பணியில் ஈடுபட்டனர். இதையடுத்து, காயமடைந்த மூவரும் மருத்துவமனையில் அனுமதிக்கப்பட்டனர். பேருந்தில் பயணம் செய்த 20 பேரும் காயமின்றி உயிர் தப்பினர். இந்த விபத்தால் சென்னை - பெங்களூரு தேசிய நெடுஞ்சாலையில் சுமார் 3 மணி நேரம் போக்குவரத்து பாதிக்கப்பட்டது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.