பிரபல சமையல் கலைஞர் செஃப் தாமு காலமானார்

பிரபல சமையல் கலைஞரும், பத்மஸ்ரீ விருது பெற்றவருமான செஃப் தாமு உடல்நலக் குறைவு காரணமாக இன்று காலமானார். அவரது மறைவு சமையல் துறையினர் மற்றும் ரசிகர்களிடையே பெரும் சோகத்தை ஏற்படுத்தியுள்ளது. இந்நிலையில், கடந்த சில நாட்களாக உடல்நலக் குறைவு காரணமாகத் தொலைக்காட்சி நிகழ்ச்சிகளில் பங்கேற்காமல் இருந்த செஃப் தாமு, கால் வலிக்காகச் சிகிச்சை பெற்று வந்துள்ளார். தமிழ்நாட்டின் பாரம்பரிய சமையல் கலையை உலக அரங்கில் கொண்டு சேர்த்ததில் முக்கியப் பங்காற்றியவர் செஃப் தாமு. ஒரே நாளில் 617 வகையான உணவுகளைத் தயாரித்து கின்னஸ் உலக சாதனை படைத்துள்ளார். மேலும், சமையல் கலையில் முனைவர் பட்டம் பெற்ற முதல் இந்தியச் சமையல் கலைஞர் என்ற பெருமையையும் பெற்றவர். விஜய் தொலைக்காட்சியின் குக் வித் கோமாளி நிகழ்ச்சி மூலம் மக்களிடையே மிகவும் பிரபலமானார். சமையல் துறைக்கு அவர் ஆற்றிய சிறப்பான பங்களிப்பைப் பாராட்டி மத்திய அரசு பத்மஸ்ரீ விருது வழங்கி கௌரவித்தது. அவரது மறைவுக்குப் பல்வேறு தரப்பினரும் இரங்கல் தெரிவித்து வருகின்றனர்