நெல்லை அரசு சித்த மருத்துவக் கல்லூரி மாணவ - மாணவிகள் உள்ளிருப்பு போராட்டம்

திருநெல்வேலி மாவட்டம் பாளையங்கோட்டையில் உள்ள அரசு சித்த மருத்துவக் கல்லூரியில் மாணவ-மாணவிகள் பல்வேறு கோரிக்கைகளை வலியுறுத்தி உள்ளிருப்பு போராட்டத்தில் ஈடுபட்டனர். கல்லூரியில் மாணவர்களுக்கான அடிப்படை வசதிகள் மற்றும் உள்கட்டமைப்பு வசதிகளை மேம்படுத்த வேண்டும் என மாணவர்கள் வலியுறுத்தி வருகின்றனர். குறிப்பாக, கல்லூரி கட்டிடங்கள் மற்றும் விடுதி வசதிகள் தொடர்பாக நீண்டகாலமாக பிரச்சினைகள் இருந்து வருவதாக மாணவர்கள் தெரிவித்துள்ளனர். இதனை தொடர்ந்து, கல்லூரியுடன் இணைந்த மருத்துவமனைக்கு தினமும் ஏராளமான நோயாளிகள் சிகிச்சைக்காக வரும் நிலையில், தேவையான வசதிகளை ஏற்படுத்தித் தர வேண்டும் என்றும் மாணவர்கள் கோரிக்கை விடுத்துள்ளனர். கல்லூரிக்கு மாற்று இடம் ஏற்பாடு செய்வது உள்ளிட்ட கோரிக்கைகளையும் மாணவர்கள் முன்வைத்துள்ளனர். இதையடுத்து, தங்களது கோரிக்கைகளுக்கு உரிய தீர்வு கிடைக்கும் வரை போராட்டத்தை தொடரப் போவதாக மாணவர்கள் தெரிவித்துள்ளனர். இந்த போராட்டம் காரணமாக கல்லூரி வளாகத்தில் பரபரப்பு ஏற்பட்டது.