கூடலூரில் போதைப்பழக்க தடுப்பு விழிப்புணர்வு பிரசாரம்

தேனி மாவட்டம் கூடலூரில் கிராம விழிப்புணர்வு குழுக்களுடன் இணைந்து போலீசார் போதைப்பழக்க தடுப்பு விழிப்புணர்வு பிரசாரம் மேற்கொண்டனர். சிறுவர்கள் முதல் பெரியவர்கள் வரை போதைப்பழக்கத்திற்கு அடிமையாவது அதிகரித்து வரும் நிலையில், இதனை தடுக்கும் வகையில் பல்வேறு பகுதிகளில் கிராம விழிப்புணர்வு குழுக்கள் அமைக்கப்பட்டு வருகின்றன.இதன் ஒரு பகுதியாக, கூடலூர் வடக்கு இன்ஸ்பெக்டர் பிரபு தலைமையிலான போலீசார் பட்டாளம்மன் கோயில் தெரு பகுதியில் பொதுமக்களிடம் விழிப்புணர்வு ஏற்படுத்தினர். அந்த கூட்டத்தில் சிறுவர்கள் போதைப்பழக்கத்தில் இருந்து விடுபடுவதற்கான ஆலோசனைகளும் வழங்கப்பட்டன. மேலும், போதைப்பொருள் கடத்தலில் ஈடுபடுவோர் குறித்து போலீசாருக்கு தகவல் தெரிவிக்க பொதுமக்கள் முன்வர வேண்டும் என்று கூறியுள்ளனர். இதனை தொடர்ந்து, தகவல் அளிப்பவர்களின் விவரங்கள் ரகசியமாக பாதுகாக்கப்படும் என்றும் போலீசார் தெரிவித்தனர். போதைப்பழக்கத்தால் உடல்நலம் பாதிக்கப்படுவதுடன், விபத்துகளும் அதிகரித்து வருவதாக அவர் கூறினார்.