குன்னுரில் தடை செய்யப்பட்ட புகையிலை பொருட்கள் கடத்திய இருவர் கைது - 140 கிலோ புகையிலை பொருட்கள் பறிமுதல்

நீலகிரி மாவட்டம் குன்னூர்- பர்லியாறு வழியாக இருசக்கர வாகனத்தில் தடை செய்யப்பட்ட புகையிலைப் பொருட்கள் கடத்தி வரப்படுவதாக போலீசாருக்கு தகவல் கிடைத்தது. அந்த தகவலின் அடிப்படையில், போலீசார் தீவிர கண்காணிப்பில் ஈடுபட்டனர். அப்போது சந்தேகப்படும் வகையில் வந்த இருசக்கர வாகனத்தை நிறுத்தி சோதனை செய்தனர். அந்த சோதனையில், தடை செய்யப்பட்ட புகையிலைப் பொருட்கள் இருப்பது தெரிய வந்தது. இதனைத் தொடர்ந்து, கடத்தலில் ஈடுபட்டதாக இருவரை போலீசார் கைது செய்தனர். மேலும், கோவையில் ஒரு வீட்டில் பதுக்கி வைக்கப்பட்டிருந்த 140 கிலோ புகையிலைப் பொருட்களையும் போலீசார் பறிமுதல் செய்தனர். பின்னர், பறிமுதல் செய்யப்பட்ட புகையிலைப் பொருட்களின் மதிப்பு ரூ.60 ஆயிரம் எனத் தெரிய வந்தது. இதையடுத்து, கடத்தலுக்குப் பயன்படுத்திய இருசக்கர வாகனமும் பறிமுதல் செய்யப்பட்டது. பின்னர், தடை செய்யப்பட்ட புகையிலைப் பொருட்கள் எங்கிருந்து கொண்டுவரப்பட்டன, அவற்றை யாருக்கு விற்பனை செய்யத் திட்டமிடப்பட்டது என்பது குறித்து போலீசார் தொடர்ந்து விசாரணை நடத்தி வருகின்றனர். மேலும், இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.