கரூர் அருகே வாழைத் தோட்டத்துக்கு புல் அறுக்கச் சென்ற மூதாட்டி கழுத்தறுத்து கொலை

கரூர் மாவட்டம் விட்டுக்கட்டியைச் சேர்ந்தவர் இளஞ்சியம். இவர் கால்நடைகளுக்காக லாலாபேட்டை ரயில் நிலையம் அருகே உள்ள வாழைத்தோப்பில் வழக்கமாக புல் அறுக்கச் செல்வது வழக்கம். நேற்று மாலை புல் அறுக்கச் சென்ற அவர், நீண்ட நேரமாகியும் வீடு திரும்பவில்லை. இதையடுத்து உறவினர்கள் இரவு முழுவதும் தேடிய நிலையில், இன்று காலை வாழைத்தோப்பு பகுதியில் ரத்தக்கறைகள் இருப்பதை கண்டு அதிர்ச்சியடைந்தனர். தொடர்ந்து தேடியபோது, புதர்களுக்கு நடுவே இளஞ்சியம் கழுத்தறுக்கப்பட்ட நிலையில் சடலமாக கிடந்தது தெரியவந்தது.இந்த தகவலறிந்து சம்பவ இடத்திற்கு வந்த போலீசார் உடலை மீட்டு வழக்குப்பதிவு செய்து விசாரணை மேற்கொண்டனர். மேலும், தடயவியல் நிபுணர்கள் மற்றும் மோப்ப நாய் உதவியுடன் தடயங்கள் சேகரிக்கப்பட்டு வருகின்றன. இதை தொடர்ந்து, மூதாட்டி அணிந்திருந்த மூக்குத்தி காணாமல் போயிருப்பதால், நகைக்காக கொலை செய்யப்பட்டாரா என்ற பல்வேறு கோணத்திலும் போலீசார் விசாரணை நடத்தி வருகின்றனர்.